D'AR PEVARLAMM, pladenn gentañ Konogan an Habask, a ziskouez e sell war sonerezh Breizh hag Iwerzhon. Liammet eo an titl ouzh ar pevar benveg a vestroni (bombard, binioù, uilleann pipes, low whistle). Evel ur marc'h d'ar pevarlamm eo bev ha birvidik e sonerezh.
Brudet e-touez ar sonerien daou-ha-daou, bet o soniñ e Bagad Kemper, Konogan a zo dibaoe 15 vloaz unan eus izili ar strollad festoù-noz anavezet Startijenn. Da 28 vloaz e kas da benn, gant ar raktres-mañ, bloavezhioù a sonerezh ha sonaozadurioù nevez.
Gant dañsoù lañsus (Porzh Leskon, Bodivit Band, Pachpi trip...) ha lod siouloc'h (Dibunadeg, Ton sioul, ar ganaouenn Karantez...) e lak da glevet e varregezhioù teknikel da vravaat an tonioù.
Awenet ha gwriziennet eo Konogan e sevenadur Breizh, met e stumm da soniñ a gas ac'hanomp war-zu kantreoù all (Iwerzhon, ar Balkanioù, Galiza, Bro-Skos).
Arzourien varrek a vod o anaoudegezhioù liesseurt hag a ro livioù rock, jazz, maloya pe c'hoazh berber d'ar bladenn.
Souezhet e voc'h gant 11 ton D'AR PEVARLAMM, sonet a-unan pe a-gevret.
An arzourien :
Konogan an Habask : bombard, binioù, uilleann pipes, low whistle
Pedet :
Thibault Niobé : gitar jazz-folk-slide-tredan, bouzouki, banjo; Erwan Volant : gitar-boud; Jean-Marie Nivaigne : tamboulin, karkabu, bendir, bambo; Gabriel Faure : violoñs; Tangi le Gall-Carré : akordeoñs daoudonek; Youenn Chapalain : binioù; Elsa Corre : kan
Sonaozadur : Konogan an Habask estreget 7&11 hengounel*.* Kempennadur : Konogan ha Thibault Niobé (1, 2, 3, 4, 6, 7, 9, 11), Tangi ar Gall-Carré (5).
Enrollet gant Tangi Oillo er studio Boutou e Plouarzhel - Mesket gant Ludo Mesnil e Brest - Mastering : Jean-Pierre Bouquet, l'Autre Studio, Vaires-Sur-Marne - Golo ar bladenn : Guillaume-Lom Puech - Poltridi : Serj Philouse, Myriam Jégat - Livaj : Myriam Sabri - Produiñ : Paker Prod